ಗುರು ಒಬ್ಬನೆ ಈ ಜಗದಲ್ಲಿ

ನೀನೊಬ್ಬ ಇಲ್ಲಿ, ನಿನ್ನಂತೆಯೇ ಇಲ್ಲಿ,

ಆಸೆ ನಿನಗೊಂದು ಇಲ್ಲಿ, ಆಸೆಗಳು ನೂರಾರು ಇಲ್ಲಿ.

ನಟನೆ ನಿನದೊಂದು, ನಾಟಕಗಳು ನೂರಾರು,

ಸಂತಸ ನಿನಗೊಂದು, ಸ್ವಾರ್ಥಿಗಳು ಸಾವಿರಾರು.

ಕಣ್ಣೀರು ಏತಕೆ ಗೆಳೆಯ, ಪನ್ನೀರೆಂದು ತಿಳಿದು ಬಾಳು,

ಕಷ್ಟ ನಿನಗಷ್ಟೆ ಇಲ್ಲಾ ಗೆಳೆಯ, ಕಷ್ಟದಲ್ಲೂ ನಗುವುದೇ ಬಾಳು.

ನಿರೀಕ್ಷೆಗಳನ್ನು ತಡೆಹಿಡಿ, ಬೇರೊಬ್ಬರ ನಿರೀಕ್ಷೆಯೇ ನೀನು,

ಅರ್ಥವಿಲ್ಲದ ಜಗವೆಂದರೆ, ಮತಿಹೀನನಾಗುವೆ ನೀನು.

ಗುರುಒಬ್ಬನೇ ನಿನ್ನಲ್ಲೀ, ಅವನೊಬ್ಬನೇ ಈ ಜಗದಲ್ಲಿ,

ಸಮಾಧಾನ ನಿನ್ನಲ್ಲೀ, ಗುರುವಿನಿಂದಲೇ ನಿನ್ನಲ್ಲಿ